XX. mendeko Euskararen Corpus estatistikoa
Testuingurua
BakeaGerlak dirauku. Gerlak dirauke. Nehork ez baitaki chuchen noiz eta nola geldituko den su galgarria.
Ortzi erauntsien ondotik iguzkia. Gerlaren ondotik bakea. Ez gerlaren on; ez gerlaren ondorio; ez eta ere gerlarien uzta.
Zeruak lurrari, Jainkoak gizoneri hitzeman eta emaiten duen ontasun ezin garbiagoa.
Bakea irabazten dena; bakea, gutarik bakotchak irabazi behar duena. Gogoz, elhez, lanaz, bere bihotz osoarekin.
Diru gose dena ez dabila bakea nahiz.
Hitz, urhats eta lan, mendekuz jokatzen denak bakearen bideaz bertzerik hautatua du.
Bekhaitzgotik sortu zen herra eta herrak ez du egundaino gerlate hazia baizik erain; herra izan da bethi su gaichtoaren itchindu pitzle eta hedatzaile.
Bakea
Bakea
Bakea
Elgar jasan, elgarri barkha, elgar maita: horra Legea; horra zinezko bakearen ithurri bakharra.
Izan gaiten, ager gaiten gogo zuzeneko, bihotz on, garbiko.
Gizona den gizonak, Eskualduna den eskualdunak ez dezala bertze legerik onets, ez dezala bertze biderik har.
Bakea gure dugu. OXOBI